ಇದು ಉತ್ತರಪ್ರದೇಶದ ಬದೋಹಿಯ ಪ್ರಾಥಮಿಕ ಶಾಲೆಯೊಂದರಲ್ಲಿ ನಡೆದ ಘಟನೆ. ಶಿಕ್ಷಕಿ ಮಕ್ಕಳಿಗೆ ಪಾಠ ಮಾಡುತ್ತಿದ್ದಾಗ ಏಕಾಏಕಿ ಕ್ಲಾಸ್‌‌ರೂಂ ಗೆ ನುಗ್ಗಿದ ಸಂಜಯ್ ಎಂಬ ಯುವಕ, ಆಕೆಯನ್ನು ಬರಸೆಳೆದು ಮುತ್ತಿಕ್ಕಿದ್ದಲ್ಲದೇ ಸ್ಥಳದಲ್ಲೇ ಮದುವೆಯಾಗುವ ಪ್ರಸ್ತಾವನೆ ಇಟ್ಟ.
ಶಿಕ್ಷಕಿ ವಿವಾಹಿತೆಯಾಗಿದ್ದು ಯುವಕನ ಈ ಅಸಭ್ಯ ವರ್ತನೆಯಿಂದ ಬೆಚ್ಚಿ ಬಿದ್ದಿದ್ದಾಳೆ. ಇದೇ ವೇಳೆ ಈ ಕುರಿತು ಪೊಲೀಸರಿಗೆ ದೂರು ನೀಡಿದರೆ ಪರಿಣಾಮ ನೆಟ್ಟಗಿರೋದಿಲ್ಲ ಎಂದು ಹೇಳಿ ಯುವಕ ಅಲ್ಲಿಂದ ಕಾಲ್ಕಿತ್ತಿದ್ದಾನೆ. ಯುವಕನ ಈ ಬೆದರಿಕೆಯಿಂದ ಗಾಬರಿಗೊಂಡ ಶಿಕ್ಷಕಿ ಈ ಕುರಿತು ಗಂಡನ ಬಳಿ ಹೇಳದೇ ಎರಡು ದಿನಗಳಿಂದ ಯಾತನೆ ಅನುಭವಿಸಿಸದ್ದಾಳೆ.
ಆದರೆ ಎರಡು ದಿನಗಳ ಬಳಿಕ ಗಂಡನಿಗೆ ಈ ವಿಷಯ ತಿಳಿಸಿದ ಶಿಕ್ಷಕಿ, ಗಂಡನ ಸಮೇತ ಪೊಲೀಸ್ ಠಾಣೆಗೆ ಬಂದು ಸಂಜಯ್ ವಿರುದ್ಧ ದೂರು ದಾಖಲಿಸಿದ್ದಾಳೆ. ಶಿಕ್ಷಕಿ ನೀಡಿರುವ ದೂರನ್ನು ಸ್ವೀಕರಿಸಿರುವ ಪೊಲೀಸರು, ನಾಪತ್ತೆಯಾಗಿರುವ ಸಂಜಯ್‌‌‌‌ಗಾಗಿ ತೀವ್ರ ಶೋಧ ನಡೆಸಿದ್ದಾರೆ ಎಂದು ಮೂಲಗಳು ತಿಳಿಸಿವೆ.
